New Delhi, 13 October : Kenya laga long-distance runners Alex Matata aru Lilian Kasait Rengeruk khan Sunday din Delhi Half Marathon te men’s aru women’s elite race te dominance dekhaikene jeet loise.
Matata, kun jaa saal runner-up thakise, ekta perfect-timed race kori 59 minute 50 second te finish line cross kori loise, aru Rengeruk 1 hour 7 minute 20 second te women’s race jiti loise, despite garam aru humid condition. Dujon winner-e USD 27,000 kori prize pai loise. Tai khan ke finish line te event ambassador aru legendary nine-time Olympic gold medallist Carl Lewis welcome korise.
Over 40,000 runners khan Delhi laga road te alag-alag category te participate kori thakise — Half Marathon, Open 10K, Champions with Disability Run, Senior Citizens’ Run aru Great Delhi Run te. Itu race te Matata pura dominance dekhaise, karon tai mostly race lead kori thakise. Tai laga peecha Ethiopia laga Boyelign Teshager (1:00:22) aru tai laga compatriot James Kipkogei (1:00:25) khan kuri thakise, kintu Matata jeet confirm kori loise.
28 saal laga Matata itu saal age China te World Athletics Platinum Label race — Meishan Renshou Half Marathon — te bhi jeet loise, time 59:28 seconds.
Dusra side te, women’s race ekdom tight hoisile. Multiple world cross-country medallist aru pre-race favourite Rengeruk last stretch te Ethiopia laga Melal Siyoum Biratu (1:07:21) ke narrowly beat kori first place loi loise. Itu Biratu laga pehla race ase tai laga desh bahar te. Dusra Ethiopian runner Mulat Tekle third place te finish kori loise (1:07:29).
Rengeruk, kun reigning Prague Half Marathon champion ase, tai jaa saal India te Bengaluru World 10K title bhi jitise. India laga participants majot, Abhishek Pal aru Seema khan fastest finisher hoise — 1:04:17 seconds aru 1:11:23 seconds time te.
Add Comment