Delhi, 14 October : Cricket te, India aji Delhi laga Arun Jaitley Stadium te West Indies ke second Test Match te 7 wicket te harai loise. Itu jit logot, India West Indies upor 2-0 laga clean sweep register kori loise. Indian batters khan Day 5 laga first session te 121 runs laga target easily chase kori loise.
Opening batter KL Rahul unbeaten 58 runs marise, aru Sai Sudharsan bhi 39 runs contribute kori loise chase te. Agey te, India nijor first innings te 518 runs score kori thakise aru West Indies ke sirf 248 runs te rokhi dise. Follow-on loi luwar piche te, West Indies second innings te 390 runs score kori loise, juntu te John Campbell aru Shai Hope duijon century marise. West Indies milaina ekta average target 121 runs set kori dise, juntu Indian batters khan easily chase kori loise.
Itu India laga 10th consecutive Test series victory ase West Indies upor. Itu jit India laga home season laga ekta dangor bhal shuru hobo dikhaise, new skipper Shubman Gill laga leadership te.
Add Comment