Thursday din Supreme Court para search committee logode Lokpal nemide naam list kora aro etu laga members toh February moina para kothom kuribole janaishe. Aro list mana toh Selection Committee logode debole janaishe. Apex court para etu laga kotham toh March moina 7 direk deh janaidebo.
Chief Justice Ranjan Gogoi para bench head kori thaga para be Centre logode search committee debole janaishe.
Court debe NGO Common Cause para government logode Lokpal laga appointment deri karni kelaaf korikena file korishe. NGO nemide advocate Prashant Bhushan para Search Committee toh olob dekthari hobo pari koikena janaideya thakise. Etu deh Chief Justice Ranjan Gogoi para negative point para nasabole koise. Tai positive para sabole janaishe aro duniya toh ekta phal wala jaga hobo lagi koise. Ami khan duniya toh ekta phal jaga bonabole kosish kori ase koise.
2013 deh Lokpal and Lokayuktas Act passed hoise. January 1, 2014 deh presidential assent paise aro January 16, 2014 para suru hoi jaishe. Hoilebe first Lokpal laga appointment toh howah nai aro etu toh hoi jabole ase. Kunpah state para be Lokayuktas toh junibole ase.
Selection committee deh prime minister, leader of single largest opposition party, Lok Sabha speaker aro eminent jurist ase.
Opposition party laga sobse dangor Congress leader Mallikarjun Kharge toh selection panel meetings deh skip korikena ase etya tak. Government para tai logode “Special Invitee” invite kora ke kelaaf korikena kowah toh, Lokpal Act deh Special Invitee logode eku provision nai.
Social activist Anna Hazare para January 30 direk bhaat nakai kena bandh rakhibo koise. Kelay koile government para Lokpal and Lokayukta Act, 2013 hesab deh Lokpal junibole fail hoikena thaga karni.
Add Comment