New Delhi, 15 October : Skeet event khotom hoi ja piche te, International Shooting Sports Federation (ISSF) World Championship Shotgun 2025 laga second phase Athens, Greece te shuru hobo, aru etiya dhyan trap competition te wapis ahise.
Aji piche kali (October 15) pora, India laga choyjon trap shooter — Neeru Dhanda, Aashima Ahlawat aru Kirti Gupta women’s category te, aru Zoravar Singh Sandhu, Vivaan Kapoor aru Bhowneesh Mendiratta men’s trap te — Athens laga Malakasa Shooting Range te qualification round laga first 50 targets shot hobo, itu National Rifle Association of India (NRAI) laga press release hisab te.
Women’s trap event te dangor competition hobo, juntu lead koribo defending World Champion Lin Yi-Chun (Chinese Taipei). Itu 80-athlete lineup te World No.1 Lada Denisova (AIN), World No.2 Silvana Stanco (Italy), World No.3 Alessandra Perilli (San Marino), aru World No.4 Carey Jeana Garrison (USA) bhi include ase. Para Olympic champion Adriana Ruano (Guatemala) bhi itu list te ase. India laga side pora lead koribo Asian Champion aru World No.8 Neeru Dhanda, juntu etiya tak consistent form te ase, Lonato World Cup te fourth place finish aru Buenos Aires Mixed Team event te top-six performance kori. Tai laga sathi hobo Aashima Ahlawat, juntu Asian Championship bronze medalist ase, aru Kirti Gupta, juntu Indian women’s triad complete koribo.
Men’s section te, veteran Zoravar Singh Sandhu, juntu World No.12 ase, India laga challenge lead koribo Vivaan Kapoor, former Junior World Champion, aru Bhowneesh Mendiratta, juntu Asian Championship Kazakhstan te silver medal pai thaka, logot.
Add Comment