Denmark Open Badminton: Lakshya Sen, Satwiksairaj & Chirag, Pre-Quarterfinals te ghusishey

Odense, 16 October : Denmark Open Badminton Tournament te, India laga star shuttler Lakshya Sen aru top men’s doubles jodi Satwiksairaj Rankireddy aru Chirag Shetty kali Odense te pre-quarterfinals te pahunchi jaise. World No. 21 Lakshya Sen Ireland laga Nhat Nguyen ke 10-21, 21-8, 21-18 score te harai dise. Aji Round of 16 te Sen Denmark laga Anders Antonsen logot mukabla koribo. Men’s doubles te, sixth seeds Satwiksairaj Rankireddy aru Chirag Shetty Scotland laga Christopher Grimley aru Matthew Grimley ke harai dise. Itu Indian jodi aji pre-quarterfinals te Chinese Taipei laga Yang Po-han aru Liu Kuang-Heng logot kheli bole ase.