Athens, 16 October : Veteran Indian shooter Zoravar Singh Sandhu kali Greece laga Athens te cholise thaka International Shooting Sports Federation (ISSF) World Championship Shotgun 2025 te men’s trap qualification laga first day te bhal performance dikhai loise, aru leader khan logot close te thaki ase. Zoravar do 24 aru 25 round shoot kori, total 49 hits loise aru 133 athlete thaka strong field te first day qualification khotom hobo te fifth position te thaki ase, Greek capital laga Malakasa Shooting Range te.
Croatia laga Anton Glasnovic aru Morocco laga Toufik El Hamri do men’s qualification te perfect 50 out of 50 score logot lead kori ase, itu piche te Zoravar aru 13 jon shooter 49 score logot thakise. Women’s trap te, Kirti Gupta do 20 aru 22 shoot kori total 42 out of 50 score loise, aru 43rd position te ase. Neeru Dhanda bhi 42 hits (23, 19) logot 50th te finish kori se, Aashima Ahlawat do 20 aru 19 shoot kori total 39 hits loise aru first duita round piche 67th te ase. Germany laga Kathrin Murche do women’s qualification te perfect 50 hits logot top te ase, aru Spain laga Beatriz Martinez 49 logot second te ase.
Trap qualification aji bhi choli ase, juntu te men aru women khan lagi aru 50 targets thakibo, aru October 17 te last 25 targets hobo. Total 125 targets piche, prothom six shooter khan pratek category pora finals te jabo World Championship medals lagi. Women’s trap final 5:30 PM IST te hobo, aru men’s final itu din te he 7 PM IST te hobo.
Add Comment