Rajasthan, 17 October : Panch bar Khelo India University Games (KIUG) 7 Rajasthan laga sheher te hobo November 24 pora. Host sheher khan ase Jaipur, Ajmer, Udaipur, Jodhpur, Bikaner, Kota aru Bharatpur. Itu 12 din laga event te 23 medal sport aru ekta demonstration sport — Kho-Kho thakibo, juntu te desh laga alag-alag jagate pora 5,000 pora bi kom nohoi university athlete khan eki logot ahibo.
Event announce kori thaka somoy Union Minister for Youth Affairs & Sports Mansukh Mandaviya janai dise ki, Rajasthan edition India laga barhi thaka sports landscape ke highlight koribo aru etu ekta stepping stone hobo bohut khan karone juntu desh ke represent koribo karone dream korise. Tai koi dise ki Prime Minister Narendra Modi laga vision niche, Khelo India initiative ekta strong ecosystem banai dise juntu participation, talent development aru excellence ke support kore. Dr. Mandaviya koi dise ki University Games Rajasthan te host kora pora hajaar hajaar student khan ke inspire koribo kutey taikhan sports aru academics duita ke eki logot pursue koribo pare, aru competition aru bondhon laga dvara ‘Ek Bharat Shreshtha Bharat’ laga spirit ke dangor koribo.
Etiya medal sport khan te include kori ase — archery, athletics, badminton, basketball, boxing, fencing, football, hockey, judo, kabaddi, mallakhamb, rugby, shooting, swimming, table tennis, tennis, volleyball, weightlifting, wrestling, yogasana, cycling, beach volleyball, canoeing aru kayaking. Kho-Kho ke demonstration event hisab te rakhibo. Special kotha to etu saal te beach volleyball, canoeing aru kayaking, aru cycling prothom bar hobo KIUG programme te.
Add Comment