Imphal, October 26, 2025: October 25, Saturday din te. Gunchu Institute khan para Marathon Race 2025 toh organised kurishe koishe. Etu toh Kangpokpi te thakhishe koishe. Yete taikhan laga theme toh “Don’t let drugs take away Your Dreams.” ase koishe.
Etu event toh Kangpokpi District Police, Kangpokpi Youth Union (KYU), KSO Sadar Hills, HinTwi, Oracle, aru Selnou Gym khan sob mili kina kurishe koishe. Yete alak alak Districts para bishi Youths khan bi ahishe koishe. Etu marathon te taikhan Physical fitness aru drugs khan kinaki manu ke bia kurea. Etu Laga tarika laga para kurea ase koishe. Kile mane etea Manipur laga Jawan Generation khan karne chinta hoa nimete.
Etu race te muta khan karne 7 km thakhishe koishe. Aru etu toh Keithelmanbi Military Colony Ground para suru kurishe koishe. Aru Thomas Ground, Kangpokpi te khotom kurishe. Aru maiki khan laga toh 5 km thakhishe koishe. Aru taikhan laga toh Kalapahar para suru kuri kina eki jagate khotom kurishe koishe. Yete Muta khan karne SDPO Kangpokpi Lhunminlal Khongsai, MPS para flagged off kurishe. Aru maiki khan karne Inspector H. Kipgen, OC Kangpokpi para kurishe koishe.
Add Comment