Imphal, October 27, 2025: October 25 din te Manipur Police khan para Thoubal aru Imphal District te Operation kurishe koishe. Aru yete taikhan para charta militants ke arrest kurishe. Taikhan toh PREPAK, KCP aru KYKL laga group para ase koishe.
Thoubal District te. Duita PREPAK members ke durishe koishe. Alak alak jaga para. 32 Saal Rajkumar Navy Meitei toh Wangjing Hodamba para ase koishe. Taike Wangjing Bazar para durishe. Aru 27 Saal Lilong Arapti toh Imphal East para ase. Taike Lilong Bazar para durishe. Tai duijun bi manu ke damki dikina poisa mangi thakhishe koishe. Tai duijun laga haat para 36 HE hand Grenade aru Mobile duita paishe koishe.
Aru alak operation toh JNIMS laga osor Porompat Ayangpalli Rasta te kurishe. Etu toh Imphal East District te ase. Security khan para 67 saal Hayum Rameshwor Singh ke durishe koishe. Tai toh KCP laga member ase. Tai laga haat para Phone paishe koishe.
Aru alak arrest toh Imphal West District laga Singjamei para kurishe. Yete 31 saal Hemarjit Leishangthem toh KYKL laga group member ase koishe. Taike nijor laga ghor para durishe koishe. Etu toh Leishangthem Leikai te ase. Tai laga haat para Mobile Handsets, AadhAAR CARD ARU Airtel Airfiber Device paishe koishe.
Add Comment