Buraidah, 27 October : Cristiano Ronaldo Saturday te Saudi Pro League match te Buraidah te Al Hazm logot khelia te Al Nassr laga ekta goal mari kene nijor career laga total goal 950 paise — etu milestone reach koribo te first player bani jaise. Ronaldo 88th minute te goal mari kene Al Nassr laga lead double kori dise, aru etu tai laga sixth league goal aru etiya season te total seventh goal ase.
Portugal laga legendary player Ronaldo, December 2022 te Manchester United laga contract terminate kori kene Saudi club Al Nassr join korise, aru etiya takot ekta century upur goal mari loise. Ronaldo laga latest achievement etiya Lionel Messi laga record ahise, kun kali Portuguese star laga record todise 890 career goal mark fastest reach korina. Messi duita goal mari dise Inter Miami laga 3-1 win te Nashville laga khilaf Major League Soccer te, aru nijor total 891 career goal pounchise.
38 saal aru 122 din laga Messi, Ronaldo ke cross korina youngest player banise to reach 890 career goals — Ronaldo etu milestone 39 saal aru 89 din te reach kori thakise. Messi bhi kom match khelise — 1,131 ta — kitia ki Ronaldo 1,220 match lagise etu level te ahibole.
Jodi duijon modern football great laga rivalry La Liga laga ekta league para alag continents te pounchi jaise, taikan laga magic itia bhi thakibo aru future te bhi continue koribo. Messi, 38 saal, etiya Miami logot contract 2028 tak extend kori loise, aru Ronaldo, 40 saal, Al Nassr logot stay 2027 tak extend kori loise.
Ronaldo’s career goals:
Sporting CP – 5
Manchester United – 145
Real Madrid – 450
Juventus – 101
Al Nassr – 106
Portugal – 143
Add Comment