Sports

German Cup: Bayern Munich para Cologne ke haraina 14th straight jeet loise

4 months ago

Cologne, 31 October : Bayern Munich Wednesday din ekta early setback pora recover kori kene Cologne ke 4-1 te harai kene German Cup laga round of 16 te punchi jaise.

Ita laga win Bayern karone ekta naya record banai dise — club laga 14th straight victory all competitions te, juntu Europe laga top five leagues majot sabse dangor winning streak ase, AC Milan laga 1992–93 season te 13-match start cross kori loise.

Match te host team Cologne strong start loi kene aggressive press kori thakise aru Bundesliga champion ke trouble kori dise. Half an hour pora, Ragnar Ache Isak Johannesson laga corner pora head maari kene lead loise. Kintu itu lead matra 5 minute tak tikise, jetiya Luis Diaz close range pora equalize kori dise, though offside laga suspicion bhi thakise buildup te.

Equalizer pora momentum pura Bayern laga side te chali goise. Harry Kane first half khotom hobo agey ta laga marker pora spin kori kene far corner te goal maari kene Bayern ke lead te loi goise. Cologne laga strong start pora second half te taikhan fade hoi jaise jetiya Bayern control tight kori loise.

Kane second half majot ta laga second goal add kori loise, Joshua Kimmich laga corner pora head maari kene — etu ta laga 14 appearances te 22nd goal ase etiya season te. Substitute Michael Olise last te score complete kori dise, Diaz laga pass pora ekta fast counterattack finish kori kene. Cologne laga Linton Maina last te ekta shot post te lage dise, kintu Bayern laga dominance full match te thakise.

Bayern etiya Saturday Bundesliga evening fixture te Bayer Leverkusen ke host koribo, aru Cologne Sunday din newly promoted Hamburg ke visit koribo.

Dusra German Cup laga second round match majot, Stuttgart Mainz ke 2-0 te harai dise — goal Luca Jaquez aru Atakan Karazor laga. Leverkusen extra time te ten-man Paderborn ke 4-2 te harai dise, Freiburg Dusseldorf ke 3-1 te harai dise, Magdeburg Illertissen ke 3-0 te down kori dise, Kaiserslautern Furth ke 1-0 te edge kori dise, Darmstadt Schalke ke 4-0 te easily harai dise, aru Union Berlin extra time te Arminia Bielefeld ke 2-1 te jeeti jaise.