Mumbai: Priyanka Chopra, hesab te, Bollywood aro Indian cinema ke chari dibole bhapna te ase.Sources laga hesab te, actress pora tai laga adha te rakha laga kam The Sky is Pink, India te last project kuri kena jabole ase,tai laga post-wedding commitments aro signed kura biche India te aro nuton film nakuribo.
“Sanjay Leela Bhansali logot te kodha dhakise. Tai Aamir khan ula Rakesh Sharma laga biopic Sare Jahan se Achcha te bhi kuribole dhakise.Hoile bhi Shah Rukh Khan ahiya biche te etu project te bhi tai laga chance baa nai,”source pora koise.
Aro bhi, Don 3 ulabole asel, Shah Rukh Khan aro Farhan Akhtar eki logot wapas aro ahibole ase.Hoile bhi Priyanka,Tweita te bhi lead role kuri dhaka toh etubar tai part nalobo.
Hoile bhi, aro bhi hope toh ase. Shah Rukh pora Sare Jahan Se Achcha,te pora ulaise koile Priyanka aro project te part lobole bare.
Add Comment