Dhaka, 12 November : Star archer Deepika Kumari aru Dhiraj Bommadevara pora early setback piche brilliant comeback kori India karone dangor medal haul ensure kori dise Asian Archery Championships te, Dhaka te Tuesday din. Duita archer he, juntu qualification round te underperform kori team event te place nai paise, individual elimination te nijor form wapas pai loise aru semifinals te entry loise.
Olympian aru top-ranked Indian Deepika Kumari, nijor calmness aru accuracy dekhaikena Korea laga Lee Gahyun — Shanghai World Cup gold medallist — ke 7-3 te harai dise aru semifinal te jagah fix kori loise. Deepika etiya nijor compatriot Bhakat laga against te face koribo, juntu India karone women’s recurve event te ekjon finalist confirm kori dise.
Tai laga sathi Ankita Bhakat aru Sangeeta bhi last-four stage te reach kori loise. Ankita Korea laga top seed aru former world champion Jang Minhee ke 6-4 te harai dise, jabole Sangeeta Iran laga Zare Reyhane ke 7-1 te easily harai loise aru semifinal te Korea laga Nam Suhyeon laga against te khelibo.
Deepika, Ankita aru Sangeeta tina jon bhi semifinal te reach kori thaka karone, India etiya women’s recurve individual category te ekta historic clean sweep laga edge te ase.
Men’s section te, Dhiraj Bommadevara poor qualification performance piche nijor form redeem kori loise, Uzbekistan laga Amirkhon Sadikov ke tense shoot-off te harai dise. Duita archer 5-5 te lock thaka piche, dujon bhi decider te 10 shoot korise, kintu Dhiraj laga arrow centre laga kotha te besi close thaka karone semifinal te reach kori loise. Tai next Korea laga Jang Chaehwan laga against te face koribo.
Add Comment