Imphal, November 19, 2025: November 18, Tuesday din te. Security Forces aru Manipur Police khan mili kina Operation kurishe koishe. Aru yete taikhan para 3da manu ke arrest kurishe koishe. Taikhan toh alak alak group para ase. Aru etu toh Bishnupur aru Imphal West District para durishe koishe.
First Operation te. Security khan para KCP laga Group member ke durishe koishe. Etu toh Imphal West Langol Housing Complex te durishe. Etu manu toh Ningthoujam Jiten Singh ase koishe. Tai toh 45 saal ase. Aru Bishnupur District laga Keirenphabi Mamang Leikai te thakhea manu ase koishe.
Alak Operation te. Team khan para PLA/RPF khan laga member ke durishe. Etu manu toh Wangkhem Malangba Meitei (26) ase koishe. Taike Keibul Awang Thana Leirak para durishe koishe.
Aru Police khan para alak RPF/PLA member ke durishe koishe. Etu toh Malom Makha Leikai, Bishnupur para durishe koishe. Etu manu toh Maibam Manishwar Singh (53) ase koishe. Tai toh Kakching District laga Wabagai Mayai Leikai para ase koishe. Tai laga haat para 3da Mobile phone, Ekta Aadhaar Card, ekta Gari aru Poisa Rs 3,25,000 paishe koishe.
Add Comment