Jaipur, 25 November : Jaipur laga Sawai Mansingh Stadium te, kunba time pichete ekta dangor ceremony te Pancham Khelo India University Games official te shuru korise.
Rajasthan laga Chief Minister Bhajan Lal Sharma aru Union Minister for Youth Affairs aru Sports Mansukh Mandaviya itu program shuru koribole ekta ceremonial lamp jalai dise.
Opening ceremony te Rajasthan laga rich art aru culture laga glimpses dekhai dise, aru ekta spectacular drone show audience ke khushi kori dise. Gathering ke address kuri thaka somoi te, Mr Mandaviya koi dise ki Prime Minister Narendra Modi India ke sports laga field te world laga top desh majot anibole ekta clear goal di dise.
Itu vision hisab te Khelo India initiative shuru korise, aru itu games laga dhoon te notun sports talent find aru nurture kori ase.
Tai koise ki Khelo India para uthia ahise athletes khan ke international competition te tayyar kori dibole world-class facilities di thaki ase. Last 10 saal majot, Indian athletes khan Olympics aru baki global events te performance dangor te improve kori ase.
Ceremony te address kori thaka somoi te, Chief Minister Bhajan Lal Sharma kobole ase ki government laga full biswas youth majot ase, aru youth khan sports para desh ke glory anibo. Tai emphasise kori dise ki consistent hard work aru dedication te success pai jaye.
Lagoo lagat 7,000 participants, jiman te 5,000 athletes ke milai aro 230 university para ahise, games te part loise.
Athletes khan 23 sporting disciplines te compete kori ase, aru traditional sport Kho-Kho ke ekta demonstration event hisab te dekhabo.
Itu competition khan Jaipur ekela te nohoi, Udaipur, Jodhpur, Kota aru Ajmer te bhi cholise.
Add Comment