Romania, 26 November : Indian table tennis players-khan Romania te ITTF World Youth Championships te dangor shuru kori-kene itu tourney te ekta silver aru ekta bronze medal loina return kuri ahise.
Under-19 Boys squad-khan laga performance besi dangor thakise—itu team confidence te final te ulaijaina Japan laga team te 0-3 te hari jaise.
Title match-te Ankur Bhattacharjee aru Ryuusei Kawakami laga game bishi tense paanch-game tak challise. Ankur bhal fight disey, kintu 17-15, 6-11, 12-10, 4-11, 11-13 te hari jaise. Pichete Japan laga Kazaki Yoshiyama Abhinand-ke 11-7, 11-8, 11-6 te haraina lead disey. Tepichete Tamito Watanabe Priyanuj Bhattacharyya-ke straight-games 11-9, 11-7, 11-3 te harai gold medal confirm kori disey.
Itu age, India semifinals te Chinese Taipei-ke 3-2 te harai excite-kora match laga majot final te entry loijai thakise.
Under-15 Girls team-khan bhi India laga debut te contribute kori semifinal ulaijai ekta bronze medal jiti loise. Under-19 Girls event-te India Chinese Taipei khilaf bhal fight dise, kintu close 2-3 match te quarterfinals te hari jaise.
Add Comment