Pune, 26 November : Cricket te, India laga top men’s T20 domestic cricket tournament Syed Mushtaq Ali Trophy itu din te shuru hobo. Opening match Mizoram aru Nagaland majote 9 baje pora Pune laga Deccan Gymkhana Ground te khelibo.
2007 te shuru kora itu tournament 2025 season te 18th edition hobo, aru total 38 team khan action te thakibo. Elite competition te 32 team, aru Plate tournament te 6 team compete kuribo.
Tournament te international level aru IPL pora star players-khan bhi participate kuribo. Defending champion Mumbai itu season te new skipper Shardul Thakur laga under te khelibo. Bengal te Mohammed Shami thakibo, aru Kerala ke Sanju Samson captain kuribo. 14 saal laga Vaibhav Suryavanshi Bihar laga vice-captain hobo.
Tournament laga final match December 18 te Indore te khelibo. Tamil Nadu competition laga history te sabse successful team ase, total tinita title loi kene.
Add Comment