Lucknow, 28 November : Badminton te, Indian shuttler Tanvi Sharma ahikalile Lucknow te choli thaka Syed Modi International Badminton tournament laga semifinal te ghusi jaise. 16 saal laga Tanvi, quarterfinal te Hong Kong laga Sin Yan Happy Lo ke 21-13, 21-19 hisab te harai dise. Itu jeet, pichete tai former world champion Nozomi Okuhara ke second round te dangor upset kori thaka pichete ahi ase.
Tanvi laga pichete, Unnati Hooda bhi semifinal te punchai jaise, Rakshitha Ramraj logot all-Indian quarterfinal te 21-15, 13-21, 21-16 hisab te tin-game jeeti kene.
Dusra part te, Indian mixed doubles laga pairing — Treesa Jolly aru Hariharan Amsakarunan — bhi Lucknow te semifinal te punchai jaise. Tai khan Australian pairing Andika Ramadiansyah aru Nozomi Shimizu ke 21-18, 21-14 straight-game te harai kene, tour te tai khan laga pahila semi-final te ghusi jaise.
Add Comment