Delhi, November 29 – Supreme Court para appoint kuri thaka committee ekta December 1 para tin din karone Karur stampede jagah inspect koribo. Committee khan, retired Justice Ajay Rastogi laga leadership te, pura ground-zero examine koribo lage — entry aru exit point, crowd-control arrangement, barricade thaka jaga, aru emergency access sob check koribo karone. Tai khan try koribo ki dangor ghatana kinika hoishe.
Karur te September 27 te TVK (Tamilaga Vettri Kazhagam) party laga rally te stampede hoishe, junte 41 manu mori jaishe aru bishi manu injure bhi hoishe. Etu pichete Supreme Court CBI ke case handover koridise, aru ekta supervisory committee bhi banai dishe jate investigation fair aru impartial thakibo.
December visit karone, panel khan ekta detailed checklist bhi bonai loishe. District administration ke puncha bole ase — rally karone kuntu permission dikhi loishe, crowd management bhal pora plan kori thakishe na nai, safety protocol follow kori thakise na nai, aru emergency response kinika pora activate hoi thakishe. Panel khan clear warning bhi dishe ki CBI laga investigation te kunba external influence nahobo lage.
Etu ground inspection probe laga important step ase. Victim aru family khan karone, etu ekta hope ase — jate clear hoi jai aru justice bhi pabo. Panel khan jagah inspect kori thaka homoi te, administration laga lapse, mismanagement na thakishe na, etu sob uthi ahibo pare. Result para kun responsible ase aru kun uporte action lobole lage, etu bhi clear hobo bole ase.
Add Comment