Delhi Court Anmol Bishnoi’s Custody extend kuri dishe NIA Deepens Probe karone

Delhi, November 29 – Delhi Court para Anmol Bishnoi laga custody aru 7 din extend kori dishe, NIA ke bishi time diya karone investigation ghorabi kori bole. Anmol, jailed gangster Lawrence Bishnoi laga bhai, recently America pora India te extradite korikina anishe, aru etu case khan te major development hobo pari bole manah kori ase.
NIA investigation kori ase Anmol Bishnoi laga alleged role, bishi high-profile crime case khan te, jiman ki Mumbai politician Baba Siddique laga murder aru Punjabi singer Sidhu Moosewala laga killing te possible link thaka karone Officials khan laga kotha hisap te, custody extend kori diya karone financial transaction, digital communication record, aru anya suspect khan find-out kori bole bishi time dorakar ase.
Investigation te ekta major focus hobo le Anmol kinika desh pora desh move kori thakishe aru kun-kun network thaki kina help kori thakishe. Preliminary findings para suggest kuri ase, bishi manu involve ase, jiman safe house, fake document, aru encrypted communication provide kori thakishe. Extra custody karone, officials khan electronic device pora recover kora data aru interrogation pora pa ekta-ekta lead khan examine kori bole paribo.
Anmol laga legal team hobo le custody excessive ase koikina argue kori thakishe, kintu court para koi dishe ki case toh complex criminal link khan te include ase, etu detail te examine kori bole olop bishi time lagibo. Officials hobo le koishe ki investigation etiya crucial phase te ase, karon bishi case — organised crime, targeted killing, extortion — sob ek logote Bishnoi network pora connect hoi thaka ase.
Etu extended custody dekhaishe ki probe serious direction te jabo, aru government para international-level criminal syndicate khan bust kori bole strong effort tulai ase. Aghor din khan te interrogation aru data analysis pora Anmol Bishnoi laga alleged involvement aru tai laga network structure bishi clear hobo bole expect kuri ase.