Rajasthan, November 29 – Rajasthan-te lagbhag 24 lakh voter laga naam electoral roll pora hatai dibo paribo, nohoile SIR (Special Intensive Revision) verification clear nohoi kina thaka karone. State-te chola thaka dangor verification exercise-te sob district-te voter list clean koribo khan hoishe—duplicate, shift kora, morija, aru invalid entry khan remove kori kina election-te transparency thakibo karone.
Officials khan janai dishe ki total 4.59 crore enumeration form collect kori ase door-to-door survey pora, etiya 4.34 crore voter laga record olop bhi mismatch nohoi kina verify hoijai ase. Etu manu khan aru kunu ba document submit lagibo nohoi. Kintu baki thaka 24 lakh votor khan initial verification-te match nohoi kina thaki jai ase, aru proof dibo na parile olop din pora naam hatai dibo paribo.
District wise data-te sabse beshi unmapped voter Jaipur-te paishe, pichete Jodhpur, Bhilwara, Sikar, Bikaner aru Udaipur. Draft electoral roll publish hobo, etu pora voter khan notice pabo. Notice pa pichete document diya aru verification clear koribo lage, nohoile naam thaki bole napatibo pare.
Revised electoral roll laga first draft December 4-te publish hobo, aru etu pichete ek month claim aru objection dibo time thakibo. Final voter list February 7 tak release koribo koi officials janai ase. Election authority khan koi dikhishe ki SIR exercise election data correct rakhibo nimite hoishe, voting right hatai bole nohoi.
Kintu political group aru civil society khan concern janai ase, specialy rural aru marginalized community laga voter khan timely notification naphai kina verification miss kori jabo pare.
Officials khan voter-khan ke alert thaki bole aru kunbi notice paile sat te response dibo bole request kori ase, nohoile electoral roll pora naam urai jabo paribo.
Add Comment