Lucknow, 29 November : Indian shuttler Kidambi Shrikant aru Gayatri Gopichand Phulela–Treesa Jolly laga duo, Lucknow te cholibo thaka Syed Modi International Badminton Tournament laga finals te pounchi jaise.
Men’s singles te, Kidambi Shrikant all-Indian semifinal te Mithun Manjunath ke 21-15, 19-21, 21-13 te three-game win kori kene finals te uthaise. Aji laga win pichete, taike kali final match te Hongkong laga Jason GUNAWAN logot kheli bole ase.
Women’s doubles te, top-seed duo Gayatri aru Treesa bhi finals te uthaise. Defending Champions Treesa Jolly aru Gayatri, semifinal match te Malaysian duo Ong Xin Yee aru Carmen Ting ke 21-11, 21-15 te harai kene easy win loise. Itu India laga duo kali final te Japan laga Kaho OSAWA aru Mai TANABE logot face koribo.
Add Comment