London, Feb 1 (AFP): Thursday Peter Crouch Stoke City para Burnley te join kurishe. Former England striker Peter Crouch Premier League te wapas ahishe.
Crouch toh Sean Dyche laga side logote link te thakishe. Burnley toh Wales striker Sam Wolves laga bodli te 6ft 7in (201cm) former Liverpool aro Tottenham star Peter Crouch loishe.
Peter Crouch toh 108 goals score kurishe. Etu toh tai laga career laga 462 appearances te goal kurishe. Peter Crouch toh etiya 38 years ase.
Crouch toh Burnley te short term deal laga hesab te join kurishe. Tai laga contract toh etu season khotom huwa samay te khotom hoi jabo. Manager Sean Dyche toh akha (hope) kuri ase ke veteran Peter Crouch toh relegation laga larai te team ke extra boost kuribole paribo.
Crouch toh etu season laga Championship te 23 times khelishe. Crouch toh duibar match suru kurishe aro ekbar goal marishe.
Crouch FA Cup third round te Shrewsbury khilaf te bhi goal marishe. Crouch laga 108 goals pichete khali 23 players para he etu 108 goals opor te marishe. Top 20 te uthibole tai khali charta goals aro lagi ase.
Crouch koishe moi toh aro achieve kuribole mon ase. Moi Premier League te aro bishi games pabole mon ase. Aro 100 Premier League goals te aro goals add kuribole mon ase koishe.
Add Comment