VIJAYPUR (JK): Army jawan Aurangzeb ke attankwadi khan para dhuri loi jai kena bishi biya para morai dishe. Etu toh jua saal Pulwama te hoishe. Murija jawan laga Baba toh Sunday te Prime Minister Narendra Modi thaka samay te BJP join kurishe. Etu toh public rally te hoishe.
Rifleman Aurangzeb laga baba Mohammad Hanief toh Rajouri te thaka manu ase. Tai BJP te tai laga former Army officer, Lt Gen (Retd) Rakesh Kumar Sharma logote meli kena join kurishe.
Mr Hanief aro Mr Sharma meli kena Mr Hanief laga desh nimite mura chokora laga portrait toh Prime Minister ke dishe. Etu toh tai khan party ke welcome kura samay te dishe.
44 Rashtriya Rifles laga Rifleman Aurangzeb ke attankwadi khan para kidnap kurishe aro murai dishe. Etu toh Pulwama district te hoishe. Etu ghatna toh June 14 te Aurangzeb Eid manibole wapas ghor ahi thaka samay te hoishe. Rifleman Aurangzeb ke Shaurya Chakra award kurishe.
Mr Hanief koishe ami BJP te pro-poor policies thaka nimite BJP te join kurishe. Desh te Modi government sob para bhal ase kile koile tai khan toh poila laga government para bhi bishi poor khan nimite bhaba n kure.
Aurangzeb murija pichete Defence Minister Nirmala Sitharaman aro Army Staff General Chief Bipin Rawat para family ke apsos thaka kubole family te alak alak visit kurishe.
Olop samay agote state laga BJP president Ravinder Raina para Mr Hanief aro Mr Sharma para BJp join kuribole laga decision toh announce kuri dishe.
Add Comment