Agencies: Sunday te Prime Minister Narendra Modi para Mizoram laga Mizoram Engineering College (MEC) toh digitally inaugurate kuri dishe. Prime Minister Narendra Modi para Jammu aro Kashmir, Srinagar para desh pura para digitally lunch host kurishe. PM Modi para Rashtriya Uchchattar Shiksha Abhiyan (RUSA) scheme para fund kura under te 11 professional colleges aro 136 projects launch kurishe.
RUSA scheme under te Mizoram Engineering College (MEC) toh egarota colleges khan majote ekta ase. Aro etu toh Mizoram te establish kura laga sob para poila professional engineering college hubole ase.
College lag a construction toh June 2016 para suru hoishe aro November 2018 te khotom hoishe.
College laga launch toh video conferencing duwara Mizo government laga zaruri officials khan para witness kurishe.Etu te Higher & Technical Education Secretary, Biaktluanga aro Mizoram University Vice Chancellor KRS Sambavisa Rao para witness kurishe. Etu toh Chief Secretary laga Conference Hall, New Secretariat te hoishe.
College toh tai laga suruwat te thakle bhi Covernment of India laga Ministry of Human Resource Development laga request nimite. Tai laga suru kuribole thaka first department toh Civil Engineering Department hubole ase. Kile koile 2019-2020 academic session laga temporary mode laga sob para bishi manga nimite hoishe.
Engineering college toh Lunglei district laga Pukpui te ase. Population aro area hesab te Mizoram laga Lunglei district toh state laga dusra sob para dangor district ase.
College toh pura-puri 24.9 acres jaga loishe. Aro Rs 26 crore laga budget para banaishe.
College laga buildings te academic block, laboratory, workshop, library, cafeteria, students common room aro boys aro girls hostel ase.
College te teenso students khan nimite enrolling capacity ase. College te teenta department hubole ase. Etu te civil engineering, electrical engineering aro mechanical engineering hubo.
College function kuribole paribole nimite state government para teen kilometer laga rasta banabo koishe, pani connection aro pani rakhibole jaga banabo aro transformer aro electric connection lagabo. Etu sob te pura-puri Rs 9 crore kharcha hubo koishe.
Add Comment