Prime Minister of India, NarendraModi pora Wakching New Model College, Mon laga notun administrative aro academic blocks toh Sher-i-Kashmir International Conference Centre, Srinagar pora 3rd February te remote digitally khulise.
Etu digital launching programme toh Deputy Commissioner laga Conference Hall, Mon te thakise, tate Minister Higher Education & Technical Education, TemjenImna Along aro MLA, Y.M. Yollow Konyak thakise.
Etu program te kotha koriya samoy te, Imna Along pora Prime Minister aro Ministry of Human Resource Development, Government of India ke Mon district laga Wakching te New Model College khuliya pora dhanyabad dise. Tai etu bi koise ki RastriyaUchchatarShikshaAbhiyan (RUSA) toh sobse bhal development team ase.
‘Aji etu digital launching programme te, ami khan laga PM pora pura desh ke kotha korise aro digitally 70 model colleges te jaise. Ami khan pora ekdam dangor maksat thakiya leader ekta pora kotha koriya dekhise, etu ase Notun India’, Imna Along pora koise.
Etu Notun India logote, “notun Nagas khan toh dukh korikena aro mon diye kena kam koriya, traditional neum logote duniya laga phabana pora janibo laage”
Y.M. Yollow, kono pora bi kotha korise, pora educated Konyak jowan manu khan ke power nimite nahoi kena nijor laga jaat othaibole kam koribi koikena mon dangor koribole laga kotha koise.
Etu programme te aalag manu khan bi thakise, tate Higher Education & Technical Education Secretary, Dinesh Kumar; Higher Education Director, Dr. I. AnunglaAier, RashtriyaUchchatarShikshaAbhiyan (RUSA) State Project Director, MenuokuolieKire, NDPP president aro PDA Chairman, ChingwangKonyak; Nagaland State Commission for Protection of Child Rights Chairperson, Awan; OSD to Chief Minister, Mankhao; besi government officials aro alag khan thakise.
Add Comment