Agartala, December 12, 2025: Thursday laga rati te. Ambassa Police Naka Point te. Police khan para drugs durishe koishe. Yete Tripura te drugs khan anea laga toh janibole parishe koishe. Police khan para Kanchanpur para Agartala te ahea laga gari ekta ke rukhaishe koishe. Police khan para etu gari ke sa homoi te. Taikhan 137 Heroin laga packet paishe koishe. Etu toh 1 Kg 644 grams nishina ase koishe. Aru 10,000 Yaba Tablets bi thakhishe koishe.
Police khan laga hisab te. Etu durea laga Heroin drugs aru Yaba Tablets khan toh sob milai kina Rs 2.5 Crore laga ase koishe. Aru yete taikhan 3da manu aru Driver ke jaga jagate arrest kuri dishe koishe.
Aru yete etu eman borta drugs khan toh kun laga ase najani kina ase koishe. Yete Police khan bi etu operation laga manu khan ke janibole nadi kina ase koishe. Aru etu arrest kuri dea manu khan bi. Asili malik toh kun ase, najani kina ase koishe.
Add Comment