PRAKASAM, ANDHRA PRADESHAndhra Pradesh laga college student toh tai laga classmate logote rishta thaka nimite baba para murai dishe. Monday fusur te samnay manu khan para Vaishnavi laga laash (dead body) toh tai laga ghor para paishe. Vaishnavi laga umar toh bis-saal thakishe. Police para chukuri laga baba Venka Reddy ke custody te loishe koishe.
Venka Reddy toh tai laga chukuri logote etu rishta nimite muk-jhagara hoishe. Aro khong uthi kena thaka samay te najani kena tai laga chukuri ke murai dishe.
senior police officer, Srinivas Rao NDTV ke koishe baba para shak (suspect) kuri thakishe ke tai laga chukuri toh tai laga classmate logote polai jabole plan kuri thakishe. Aro khong uthi kena thaka samay te baba para chukuri ke gola (neck) dabai kena morai dishe. Police khan para baba opor te suspicious death laga case register kurishe. Post mortem khobor pa pichete etu case toh murder case te bhi bodoli (change) hubole paray.
Khobor hesab te Vaishnavi toh tai laga niche caste laga classmate logote date kuri thakishe. Chukuri laga baba toh Vaishnavi ke tai laga classmate ke lok nokuribole koi thakishe. Hoile bhi tai mana kurishe.
Police koishe Vaishnavi toh tai laga classmate logote shadhi bhi kura nai nohoile bhi tai logote ghor chari kena pola bhi nohoi. Khali tai laga baba para he etu ristha toh khushi na pai kena thakishe.
Add Comment