Agencies: Monday te West Ham logote match draw kuri kena points barabole chance toh harai dishe. Premier League laga leader toh pressure toh toh lubole paribo na nai laga kotha te Liverpool manager Jurgen Klopp para sawal opor te preempt kurishe.
Monday laga result para Liverpool ke Machester City opor te three points para Premier League te top te rakhi ase. Liverpool khan hafta bhitor te champion Manchester City para seven points para clear hubole laga chance toh harai dishe.
Jua bar bhi Liverpool, Leicester City logote khela laga match te game 1-1 para draw kurishe.
Pep Guardiola laga City toh etiya Everton khilaf te match toh jeetile tai khan aro wapas top te ahibole chance ase. Manchester City aro Everton majote thaka match toh Wednesday te ase.
Klopp BBC ke koishe moi kotha nokuri kena he pura reports khan toh agay para he lekhi loishe.
Klopp koishe moi toh pressure laga eku kotha bhi kura nai. Klopp toh judi etu English title toh jeetile toh tai 29 years te first Liverpool manager hubole ase.
Sadio Mane para Liverpool ke 22nd-minute te Hammer khilaf te lead dishe. Hoile bhi Manuel Pellegrini laga mota khan toh choi minute bhitor te ekta goal mari kena game toh draw kuri dishe.
West Ham laga Declan Rice aro Mark Noble toh bhal chances miss kuri dishe. Hoile bhi aro Liverpool substitute Divock Origi toh game toh jeetai dibole paribole thakishe hoile bhi tai bhi etu opportunity toh miss kuri dishe. Klopp koishe match toh tough thakishe.
Add Comment