ITANAGAR | February 6: Arunachal Pradesh Mahila Congress Committee (AMPC) pora Monday te complaint lekhise kile koile social media te Priyanka Gandhi logote khilaf biya kotha koriya nimite.
APMCC pora DGP logote meeting lowa samoy te koise ki, “Priyanka Gandhi ke eastern UP laga Congress’ general secretary in-charge karne juniya saath, khilaaf koriya manu khan aro aalag diktar group khan tai ke besi bodnam koribole kosish korise. Tai ekjun logote mili kena tai ke bodnam koribole ekdum biya kotha lekhise.”
APMCC pora etu ke ‘mili kena bodnam koribole besi dangor maksat’ ase koikena koise ki, “etu tweets/pictures khan ke sowa pora dekhibo ki etu kotha khan toh jaani kena Priyanka Gandhi Vadra ke bodnam koribole phela ase, aro tai ke bhoslai kena bodnam koribole laga maksat ase.”
APMCC pora koise ki etu toh Indian Penal Code 1860 laga kanun logote khilaf ase aro etu tweets khan toh Information Technology Act 2000 laga kanun hisab te besi dangor galdi koriya ase.
Add Comment