I-League debut koriya Real Kashmir FC pora aro bhl pora khelise, Gokulam Kerala FC ke Sri Nagar te Wednesday te 1-0 pora harai kena points table laga opor te othise. Ivorian beanpole striker Gnohere Krizo, pora etu season te tai laga teen bar wala goal second half laga 51st minute te dise etu pora tai laga team ke biya samoy te besi modot korise. David Robertson, Kashmir laga Scottish coach toh tai laga sobse pohoila wala team ke monjur hoise aro Krizo, kon ke jowa laga game te suspend korise, etu din tai Ritwik Kumar Das laga jakka te khelise.
Gokulam coach Stanley Rosario, aro aalag te teen bar nisina podli korise, tate sobse dangor podli koriya toh Trinidadian forward Russel Alfred para partner Marcus Joseph ke.
Etu game toh barf te khelishe etu pora besi long ball play toh dekhise, aro etu toh host khan nimite bhal thakise kile koile tai khan laga gau lamba howa pora.
First half te besi chance ola nai aro ekta goal bi maribole pariya nai, hoilebi, Real Kashmir laga Dharamraj Ravannan toh biya pora kheliya nimite yellow card paise.
Ekta goal second half laga sixth minute te Krizo pora Danish Farooq laga long-range punch loikena khusai se.
Real Kashmir logote 16 game pora 32 points ase, Chennai City FC logote tweita besi.
Add Comment