Agra, December 27, 2025: Ekta computer teacher rati te walk ja homoi te, manu para bonduk para guli mare kena morai deshe, Aligrah Muslim university laga campus betor te. Dua jun manu tai laga piche tea he kena, dhamke de kena, guli mare deshe aro bike para polai jai she koishe.
Murei manu laga nam toh Rau Danish Ali ase koishe. Tai laga sal toh 45 ase koishe. Tai ABK School laga teacher ekta ase koishe. Tai tateh ten sal opor karne porai thake she koishe. Utu rati te tai tai laga sathi khan logo te Maulana Azad Library canteen laga osor te berai thake she.
Ali laga sathe kun tai logo te walk jai thake she, tai para koishe ki hamla kurei manu khan ahe kena ali ke koishe ki ‘tui moi ke najanei, hoile be etia toh jane bo’, aro etu piche te tai khan bonduk para hamla kure she. Police para koishe ki 6-7 gule mare she koishe, aro charta gule toh math ate lage she aro ekta toh hath te lage she. AMU security khan gule laga awas hunei piche te polai kena jai she koishe, hoile be tai khan punchei homoi te hamla kurei khan toh bike para polai jai she koishe.
Add Comment