5th February 2019 deh DGP Nagaland T. John Longkumer Yonglok Police Station, 2nd NAP Camp Yonglok aro Police station Anaki – C deh log korishe. Tai logode Kohima jaga laga tai laga staff, Longleng, Mokokchung laga Police Officers aro ranks shaat deya thakise.
Yonglok Police station deh Police officers, NGOs aro village councils logode kotha kora time deh T. John Longkumer para kowah toh, state laga DGP howah bechide tai toh function sabo karni sob district, Police Stations aro Outposts deh log korise. Tai para kowah toh, tai laga main aim toh border area aro chamala area jaga deh law and order thek rakhibole laga ase. Aro region laga manu khan logode peace aro security debole aro etu opor deh neighbours logodeh phal para thakibole laga ase koise.
Village councils aro NGOs para Yonglok Police Station inaugurate koribo karni issues aro complain kora ke DPG para kowah toh, tai ahha toh Police Force laga infrastructure development, status & strength deh sabole ahha ase aro tai khan laga function, complaint aro dekthari pai thaga ke sabole ahha ase.
Tai para kowah toh Police force laga gara toh norms nesab deh hobole ase aro state deh Police force laga function toh phal kuribole guarantee debo. Joldi lagi thaga action toh koribo karni police force para Government logode report toh debo. Police Station, Yonglok laga inauguration opor deh tai para kowah toh, inaugurate kuribole katha samay he ase. Tai para SP Longleng aro President PPC logode Police Station inaugurate koribo karni VIP logode tie up kuribole koishe. DGP para be Yonglok jaga laga 2nd NAP post logode lagi thaga jolabo karni poisa donate kora thakise.
Yonglok Police Station toh 2008 sal deh bona laga ase aro infrastructure sob kothom howah bechidebe November 2018 time para function nakorikena ase. Border area jaga deh dara-dari Police Station lagi thaga karni, DEF, Longleng pethor deh NGO komti hoilebi Police Station toh 5th December 2018 time para inaugurate nakori kena joli ase.
DGP logode tusara Police ranks aro files majode Imlisunep IGP, Aotemsu DIGP, Rovishi Comdt. 12th IR, Raghuramarajan S.P Mokokchung, Yangba Konyak S.P Longleng, Lakha Khoza Comdt. 13th IR aro Kuhovi Sumi Comdt. 2nd NAP para shaath deya thakise.
Add Comment