New Delhi, 23 January : North Korean defectors ke feature kora first K-pop group hisab te history bonai kene, 1Verse (pronounced Universe) nijor first US tour “SHATTERED” shuru koribo jaa ase. Itu five-member boy band nijor unusual line-up karone international attention paise — Yu Hyuk aru Kim Seok (North Korea), Aito (Japan), aru Nathan aru Kenny (US).
Group tou July 2025 te debut korise aru 2026 laga first track “WABIF (Wide Awake Before I Fall)” January 21 te release korise. North Korea pora ekta member Yu Hyuk etiya hiatus te ase, kintu itu tour tu Kim Seok (25) karone ekta bohut dangor milestone. North Korea te thaka time te, smuggled USB pora chupi-chupi K-pop huni thaka Seok, etiya nijor sopun pura kori world tour te K-pop star hisab te travel koribo jaa ase — juntu industry ke tai dur pora admire kori thakise
Nijor first tour shuru koribo karone group tu bohut excited ase aru India te nijor fan base (5STARZ) grow kori thaka janikene bisi khushi hoise. Indian fans loge ekta heartfelt message share kori, members koi dise,
“Amar music iman dur pohonchi jabo kuina ami bhabianai. India laga sob fans ke bohut thanks — apuni khan laga support karone aru amar music logot iman log resonate kori thaka karone. Jetiya apuni khan chabo, ami apuni khan logot thakibo!”
Itu tour laga first show Seattle, North America te hobo.
Add Comment