Border 2 box office collection day 2

New Delhi, 24 January : Anurag Singh directed film Border 2, box office te pura dhamaal machaise. Sunny Deol, Varun Dhawan, Ahan Shetty aru Diljit Dosanjh starring itu film tu opening day te bisi dangor collection korise aru second day te bhi speed komibo laga naam nai. Sacnilk laga 7 PM update anusar, film tu ₹21.08 crore collection korise. Opening day te film tu ₹30 crore kamaise. Duita din pichete total collection itu ₹51.08 crore hoise. Border 2, etiya tak 2026 laga sabse dangor tentpole release boni jai ase. Expect kora ase ki opening weekend shesh howar agey ₹100 crore cross koribo. Anurag Singh directed Border 2, iconic film Border laga second instalment ase. Itu film te Sunny Deol main lead hisab te wapas aise, aru Varun, Diljit aru Ahan tai logot mila ke enemy khan laga biruddhe lorai kore. Film tu 1971 India–Pakistan War laga true events pora inspire hoise. Itu film te Army, Navy aru Air Force kemne ekta hisab te mili ke lorai korise, itu bhi dikhai dise. Border 2 ke Bhushan Kumar, Krishan Kumar, J P Dutta aru Nidhi Dutta produce korise. Film te Mona Singh, Sonam Bajwa, Anya Singh aru Medha Rana bhi important role te ase. Sunny Deol laga itu film laga craze tu opening day pora hi bisi dangor thakise. Social media te ekta video viral hoise, juntu te Uttar Pradesh laga Najibabad pora fans khan tractor upor te cheer kori ke cinema hall bhitor dhukise. Bohut khan fans khan tractor te Sunny Deol laga poster lagai ke, hall laga parking lot te dangor sankhya te entry korise.