New Delhi, 29 January : Stranger Things laga fans bhabise shayad biday loi dise, kintu Hawkins laga kahani etiya sesh nohoi. Netflix laga itu series tu January 1 te fifth season logote khotom hoise kuina koi thakishey, kintu franchise tu etiya ekta notun animated series loi aru dangor hoi ase, jitu pora audience khub attachment banai thakise itu duniya te.
Stranger Things: Tales From ’85 kuina naam thaka itu upcoming project tou Duffer brothers pora bonua universe te ghuri jua ekta notun rasta dise. Yate sob jani bole thaka kotha ase.
Stranger Things: Tales From ’85 ekta animated series hoi, aru itu 2026 te debut hobo koi thakishey. Netflix laga Tudum website hisab te, itu familiar timeline te set kora hoise, kintu format aru tone tu live-action show pora alag thakibo.
Tales From ’85 tu Stranger Things laga Season 2 aru Season 3 majot set kora hoise aru kahani tu 1985 laga thanda winter te unfold hobo. Official logline hisab te, “original characters khon notun monsters logote lorai koribo aru Hawkins te terror kori thaka ekta paranormal mystery unravel koribo Stranger Things: Tales From ’85 te.” Robles add kora hisab te, viewers khub joldi bujhi pabo ki “sob kotha jiman bhabise, iman simple nohoi.” Itu animated series laga first look already unveil kori dise, kintu exact release date etiyao announce kora nai. Ekhon itiya matro “Coming 2026” kui ase.
Animation pora creative freedom pua kotha loi Ross Duffer koi thakise, Stranger Things Day te release kora first-look asset te, “Animation te almost eku limit nai. Eric aru tai laga team pura wild jabo pare … aru tai khon jabo bhi dise.”
Showrunner Eric Robles, jitu series tu Flying Bark Productions pora executive produce kori ase, project tu “Hawkins laga magic ekta notun dhang te capture kora” kuina describe kori dise.
Itu series tou Matt Duffer aru Ross Duffer, Hilary Leavitt (Upside Down Pictures), aru Shawn Levy aru Dan Cohen (21 Laps) pora executive produce kora hoise. Duffer brothers age Tudum te koi thakise, “Eric Robles aru tai laga team ki bonaise, itu dekhi amikhan pura blown away hoise — scripts aru artwork duita bhi incredible ase, aru ami khub eager ase sob logote share koribo. Adventure etiyao continue kori ase.”
Animated series te well-known characters khon thakibo, kintu notun voice cast logote. Brooklyn Davey Norstedt Eleven laga voice dise, Jolie Hoang-Rappaport Max hoi, Luca Diaz Mike laga voice dise, Elisha ‘EJ’ Williams Lucas laga voice dise, Braxton Quinney Dustin hoi, Benjamin Plessala Will hoi, aru Brett Gipson Hopper laga voice dise. Odessa A’zion, Janeane Garofalo, aru Lou Diamond Phillips bhi Hawkins laga adventure te join kori ase.
Tales From ’85 laga idea tu Duffer brothers jetiya Stranger Things universe bhitor aru story explore kori thakise, tetiya pora ahise. Ross Duffer koi thakise ki jetiya Hawkins laga duniya expand kora loi discussion shuru hoise, itu concept tu first ideas majot ekta thakise.
Meanwhile, Stranger Things laga fifth aru final season tou tinta part te release kora hoise — first charita episode November 26 te ahise, tar pisot December 26 te tinta episode, aru finale episode tu January 1 te release hoise.
Add Comment