LAHORE: Pakistani television host laga khilaf te government, judiciary aro intelligence agencies opor te defamatory remarks kura laga inzam lagaishe. Pakistani television host ke bail te release kuri kena ase.
Rizwan Razi toh Din News laga talk show laga hosts ase. Tai ke Saturday te tai laga ghor Lahore para arrest kurishe. Etu toh Federal Investigation Agency (FIA) laga cyber crime wing para kurishe. FIA laga hesab te suru te kura investigation para janishe ke Mr Razi laga social media posts toh tai laga Twitter account para kurishe.
Rizwan Razi laga counsel koishe FIA para journalist laga remand toh Sunday te extend kuri bole koishe. Hoile bhi court para etu kotha toh mana kuri kena Mr Razi ke bail dishe. Etu toh Rs. One lakh surety bond laga khilaf te dishe.
Mr Razi laga counsel koishe ke magistrate koishe ke suspect toh tai laga programmes te armed forces aro judiciary laga kotha kura toh mana kuribole lage. Mr razi laga shows aro social media post khan toh monitor kuri thakibo koishe.
Mr Razi laga counsel para argue kuri kena koishe ke tai laga client ke arrest kura toh freedom oh expression laga khilaf te ase. Aro koishe ke tai laga cliet para eku biya kaam kura nai. Aro tai khilaf te eku complaint nathaki kena tai ke arrest kurishe.
FIA koishe suru laga investigations para janibole parish eke Mr Razi toh Pakistani Army aro judiciary laga khilaf te post kurishe. Aro etu toh Mr Razi laga Twitter account para kurishe koishe.
Journalist Mr Razi toh Pakistan Prevention of Electronic Crimes Act, (PPECA) 2016 laga Sections 11 aro 20 laga nichete book kurishe.
Add Comment