New Delhi, 30 January : The Kerala Story 2 laga duniya te agey bar ahise, itu laga teaser release hua pichete. Teaser te nutun shakal introduce korise aru ekta nutun kahani laga ishara diya hoise. Kahani tu nutun direction loi jaise kuina dikhile bhi, core theme tu same thaki ase — relationship conflict aru religious conversion laga mudda ke center kori.
Film laga makers Vipul Amrutlal Shah laga The Kerala Story 2: Goes Beyond laga teaser Friday din release korise. Itu 2023 te hit hua The Kerala Story laga sequel ase. Teaser tu Instagram te post kora hoise itu caption logot:
“Our daughters don’t fall in love, they fall in traps. Ab sahenge nahin… ladenge. #TheKeralaStory2GoesBeyond cinemas te ahibo 27 February, 2026 te.”
Film laga teaser tu Kamakhya Narayan Singh direct korise aru tinta nutun actress ke introduce korise — Ulka Gupta, Aishwarya Ojha aru Aditi Bhatia — jun khan pora kahani aage loi jabo.
Teaser te dikhai diya hoise ki kahani tu tin-ta suwali laga jibon upor base kori ase, jun khan ke Ulka, Aishwarya aru Aditi play korise. Taikhan laga jibon love te pora pichete pura change hoi jai, aru taikhan tease te koi diya ase ki taikhan ke ekta “religious conversion agenda” logot love te porabo lagi plan korise.
Teaser laga shuru te, suwali khan taikhan laga sapna khan kotha kore — IAS officer hobo, athlete hobo, aru social media influencer hisab te jibon sapna dekha. Kintu wrong manu khan logot love te pora aru biya kora pichete, taikhan laga sapna bhangi jai.
Teaser pora bhi bujha jai ki film tu sirf taikhan laga dukh te limit nohoi, kintu taikhan kene ke himmot pai fight back korise, itu bhi dikhabo. Teaser laga last te, tin-ta suwali ekloge koi uthai:
“Ab hume ladna hoga, kyunki abhi nahi toh kabhi nahi”
(Etia ami ladibo lagibo, kele etia nohoile ami aru kunuba din ladibo napabo.)
Kamakhya Narayan Singh direct kora The Kerala Story 2: Goes Beyond ke Vipul Amrutlal Shah produce korise, aru Aashin A Shah co-producer ase Sunshine Pictures banner niche. Film tu 27 February te cinema te release hobo.
Add Comment