DEHRADUN: Police Monday te koishe ke Uttarakhand aro Uttar Pradesh te zayhar (toxic) mudu khai kena ekso (100) opor manu murishe. Etu case te police khan para aro duita manu khan ke arrest kurishe. Arrest huwa manu khan laga naam toh Hardev aro Sukhwinder ase. Tai duijon bhi Western UP laga Saharanpur jaga te thaka manu ase. Uttar Pradesh te etu zayhar thaka mudu khai kena 35 manu khan muri jaishe.
Tai khan para police ke koishe ke tai khan toh mudu toh bana nai hoile bhi tai khan toh dusra manu khan logote para 400 litres laga mudu drum toh kenishe koishe. Etu manu toh Uttarakhand laga Bhagwanpur te thake koishe. Police khan toh etiya etu manu ke bisari ase. Khobor hesab te etu manu laga naam toh Arjun ase koishe.
Police koise Sunday din te mota aro tai laga chokora kun mudu keni kena bikaishe tai khan ke bhi arrest kurishe koishe. Etu baba aro chokora toh Hardev aro Sukhwinder jaga para mudu kenishe koishe.
Mura manu khan laga ginti toh 104 pungchi jaishe. Uttar Pradesh te 67 aro Uttarakhand te 37 manu khan murishe.
Add Comment