New Delhi, 31 January : Bollywood te, actors Lakshya Lalwani aru Ananya Panday upcoming Dharma Productions laga film Chand Mera Dil te eksathe dekha jabo. Itu film laga release date aji finally announce hoise.
Kintu important kotha hoise ki, itu film 2024 laga end te announce hoisile aru producers pora 2025 te release koribo koi thakisey. Kiba karon pora film tu release hobole para nai. Etiya notun release date ki ase, ahak janibo.
Ananya Panday aru Lakshya Lalwani Chand Mera Dil te prothom bar eksathe screen share koribo. Film tu aage April 10, 2026 te theaters te release hobole schedule hoisile, kintu eti ya release date change kori May 8, 2026 korise.
Chand Mera Dil film tu Vivek direct kori ase. Tai aage Meenakshi Sundareshwar film direct korise, juntu te Sanya Malhotra aru Abhimanyu Dassani lead role te asile. Tai Fatima Sana Shaikh aru R Madhavan laga film Aap Jaisa Koi bhi direct korise. Chand Mera Dil tai laga third project ase.
Lakshya Lalwani last web series The Bad of Bollywood*** te dekha goisile. Itu series Aryan Khan direct korise aru tai laga directorial debut asile. Netflix series te Lakshya laga acting audience pora khub appreciate hoise. Chand Mera Dil Kill pichete Lakshya laga second film hoibo.
Ananya Panday last Kartik Aaryan logote film Tu Meri Main Tera Main Tera Tu Meri te dekha goisile. Kintu na tai laga performance, na film tu bhal response paise.
Ikarone, cast logote upcoming romantic drama Chand Mera Dil pora khub expectation thakibo.
Itu bhi mention koribo lage ki, Chand Mera Dil film tu Karan Johar laga Dharma Productions pora produce kori ase.
Add Comment