Manipur Police para duata betor manu ke dure she

Imphal, February 1, 2026: Manipur laga police khna para duata betor manu ke dure she, aro tai khan laga bunduk be pai she koi she, operation ekta kurea homoi. Tai jun laga nam toh Lamginlal Chongloi ase, tai toh 36 sal ase. Tai toh Kuki Revolutionary Army laga sergeant Major ase koi she. Tai ke toh January 29 te, Saikul- KMC bridge te dure she koi she, Kanpokpi district te. Officers khan tai laga hath para ekta 9mm pistol pai she, tinta gule lgo te.  Aro etu durea lafa aha din te, security forces khan para Namerakpam Roshan Singh, kun 25 sal ase, tai laga ghor kunto Langthabal Ningobam ase tateh para dure she koi she, Janaury 30, te. Authorities khan para koi she ki tai toh People’s Revolutionary Party of Kanleipak laga member ase koi she. Aro alak ekta operation te, security forces khan para Houlim Tonggkhokai Mate ke dure she. Tai toh 33 sal ase koi she. Aro tai toh Tengnoupal te para ase koi she. Tai laga hath te para 8.5 kg laga Wy tablets, ekta Maruti Suzuki Wagon R, smartphone, Aadhaar card aro boter card khan pai she koi she.