NORTHEAST INDIA | February 12: Tweita Northeastern states laga Chief Ministers, Arunachal Pradesh laga Pema Khandu aro Manipur laga N Biren Singh, pora Monday te Citizenship Amendment Bill ke khilaf korise aro Home Minister Rajnath Singh ke Rajya Sabha te pass koribole nadibi koise, officials pora koise.
30-minute laga meeting samoy te, etu tweita BJP CMs pora home minister ke northeast te etiya thakiya halat janaiu dise, tate Bill logote khilaf besi protest koriya.
Etu tweita chief minister pora home minister ke Citizenship Amendment Bill toh manu khan ke biwas nadelai diya tak aro tai khan laga cultural aro kotha laga identity pajaibo laga kanun nabona tak pass nakuribole koise, ekjun official pora koise. Home minister pora etu tweijun chief ministers ke mon jinta nakuribole koise aro wada korise ki Northeast manu khan laga rights ke nahilaibo, official pora koise.
Prime Minister Narendra Modi pora pohoila khobor korise ki etu bill toh “India aalag howa samoy te galdi koriya ke thik koriya ase. India pora aalag howa samoy te hatsa log powa manu khan sob ke pajaibo”.
Saturday te, Assam laga rally te kotha koriya samoy te, Modi pora koise ki citizenship bill pora region laga manu khan laga iccha ke biya nakoribo hoilebi “Mother India laga kanun aro neum ke maaniya” khan ke aaram dibo.
Add Comment