CHANDIGARH: Ludhiyana district te 21 years maiki opor te gang rape hoishe. Khobor hesab te Punjab police para etu case logote meli kena thaka duita manu ke arrest kurishe koishe.
Wednesday din te police officials koishe police para etu case laga bachi kena thaka baki doshio (criminal) khan ke dhuribole nimite alak alak jag ate raid kurishe koishe. Etu raid toh alak alak police laga teams khan para kurishe koishe.
Deputy Inspector General (DIG) of Police Ranbir Singh Khatra koishe etiya tok arrest huwa manu khan lag naam toh Jagroop Singh aro Sadik Ali ase. Arrest huwa duita manu bhi Ludhiana district te thaka manu ase.
Mr Khatra koishe police investigations para janibole parish eke etu gang-rape te choita manu meli kena ase. Etu ghatna toh February 9 laga rati te hoishe. Chukuri toh tai laga mota saathi logote canal te drive kuri thakishe.
Victim para koishe ke tai ke komti hoile bhi dosta manu para gang-rape kurishe. Etu toh tai aro tai laga mota saathi ke marishe aro uthai kena loi ja pichete hoishe.
Add Comment