New Delhi, 6 February : India laga dangor cinema chain PVR Inox taikhan quarterly profit lagbhag 3 guna barise, jitu main karone hoise Ranveer Singh laga film Dhurandhar laga box-office performance aru recent tax cuts, jiman manuh ke theatre te movie sabole motivate korise.
PVR Inox December quarter te ₹95.7 crore consolidated profit report korise, jitu pichla saal same time te ₹35.9 crore ase. itu 166% increase pora cinema chain laga profit margin 5% puale, jitu pichla saal 2% ase.
Quarterly filing te, PVR Inox report korise ki December 31 pora end hoa quarter te revenue lagbhag 10% barise. Itu quarter te footfall 9% barise, mainly Dhurandhar film karone. Aditya Dhar laga film Dhurandhar India jura 4 crore pora besi ticket bikri hoise, jiman lagbhag adha PVR Inox theatres te bikri hoise. Ranveer Singh lead role te thaka itu spy thriller India te ₹1000 crore pora besi aru worldwide ₹1300 crore income korise, aru itu India laga most successful films majot ekta boni jaise. Footfall barha karone operating cost, aru beverages aru snacks laga daam 2.5% barha thakileo, itu offset hobole pare.
India te 2025 te box-office collection 13% barise, Dhurandhar, Chhaava, aru Kantara Chapter One nisina films karone.
PVR Inox etiya January–March quarter nimite besi optimistic ase, karon itu time te bhal dangor films release hoise aru hobo ase — already release hoa Border 2, Dhurandhar laga sequel, aru Kannada star Yash laga pan-India film Toxic.
Bijli koi dise ki taikhan expectation ase ki 2026 te box-office collection 14%–15% baribo. 2026 Indian cinema nimite dangor umar, karon bhal dangor releases ase, jiman majot Ramayana Part One, jitu India laga sob pora besi expensive film, aru superstar Shah Rukh Khan tin saal piche King film pora big screen te return koribo.
Add Comment