SHILLONG, February 13: Haadiyaar maintenance nimite teen din karne operation rukhai diya bicche te, Indian Navy team pora Tuesday te Meghalaya laga East Jaintia Hills district te 370-feet geherai pani bhorta thakiya koila chinta te 14 jun bhasi kena thakiya miners ke bisariya dobara jalu korise, ekjun official pora koise.
Jowa saal December pora etu chotu koila chinta te 15 jun miners bhasi kena thakiya majote, Navy pora January 23 te ek jun manu laga laash paise aro olaise. Aalag laash ekta toh January 26 te paise hoilebi etiya tak olaibole ase kile koile pani besi tez howa nimite.
Saturday te, Visakhapatnam laga 15-member navy team pora tai khan laga operation toh konoba samoy karne machines aro underwater remotely-operated vehicles(UROVs) ke sabo nimite rukhaise.
“Indian Navy pora asol chinta te ROVs loikena tai khan laga search and rescue operation wapas jalu korise aro aalag chotu chinta te 14 jun miners khan bhasi kena thakiya biswas thakiya te bisari ase,” rescue operation spokesperson Reginald Susngi pora koise.
Tai pora koise ki Navy pora konoba machines biya howa toh bonai loise aro etu hatsa jakka te kam koribole nimite anise.
Etu samoy te, Coal India Ltd aro Kirloskar Brothers Ltd teams toh ety koila chinta pora narukhi kena pani bhelai ase.
(IANS)
Add Comment