‘Sob Manu Pora Khilaf Korikena Bi, Union Govt Toh CAB Pass Koribole Mon’: MNCC Pora Manu Khan Ke Protest Koribole Koise

AIZAWL, February 13: Citizenship (Amendment) Bill logote khilaf korikena Mizoram te Tuesday te besi dangor protest aro rallies thakise.

Mizo National Front (MNF)-ruled Mizoram te, ekdum dagot laga Mizoram NGO Coordination Committee (MNCC) pora loikena Aizawl aro aalag saathta district headquarters te etu Bill logote khilaf besi dangor protest korise.

Etu ekki mamla nimite Bharatiya Janata Party (BJP)-ruled Tripura te bi Protest rallies thakise.

Etu tweita pahari states laga police officials laga hisab te, etu tweita northeastern states te ekko biya hatsa ola nai.

Placards dikhaikena aro slogans hala korikena, cpital city Aizawl milai kena Mizoram laga pura aathta district headwuarters te protesters khan CAB logote khilaf Tuesday sam tak protest korise.

Young Mizo Association, MNCC, dangor civil societies laga conglomerate(organisation), student aro youth bodies pora loikena, Lok Sabha te January 8 te pass koriya Citizenship (Amendment) Bill logote khilaf protest kori thakise.

MNCC Chairman Vanlalruata pora koise ki pura northeastern region aro desh laga aalag jakka laga sob political parties aro NGOs khan pora khilaf korikena bi, Union government toh etu bill toh Rajya Sabha te bi pass koribole mon jai thakise.

Tai pora manu khan besi jamma korikena etu bill logote khilaf protest koribole koise, etu toh MNCC laga leader hisaabte North-East laga indigenous manu khan laga iccha logote khilaf ase.

MNCC, kono Mizoram(etu Christian-dominated state te sob milai kena population toh 11 lakh nisina ase) te jar lakhs laga opor te members ase, tai khan pora etu ekki mamla nimite Republic Day deyohar bi namanai bole koise.

Mizoram laga church khan te Saturday pora loikena Citizenship (Amendment) Bill ke Parliament laga upper House te haraidibo nimite special mass prayers(pratna) kori thakise.

State laga ruling MNF pora bi Centre ke etu bill hataidibole koi thakise.

(IANS)