New Delhi, 7 February : Veteran Nepali actor Sunil Thapa, jun Priyanka Chopra laga coach boni kaam korise Mary Kom biopic drama-te, tai February 7 te guzar jaise. Tai umor 68 saal ase. Priyanka etiya late actor karone ekta heartfelt tribute share korise, aru tai koi dise ki Sunil Thapa tai jibon laga ekdom tough time-te bisi kind aru supportive fhakise. Priyanka koi dise ki Sunil Thapa hamesha tai laga “coach” boni thakibo aru actor laga pura family ke condolence dise.
Priyanka tai laga Instagram account-te Mary Kom (2014) film laga montage share korise, kitia Sunil Thapa laga character tai ke goal phale kaam koribo push dise. Film-te, tai Priyanka ke train kore aru bohut din hard work te tai laga side-te thake. Jetiya tai dangor jite, tai agey bar Priyanka ke kandha upor tulise aru celebrate korise.
Priyanka laga baba, Ashok Chopra, June 10, 2013 te Mumbai-te guzar jaise. Tai umor 62 saal thakise aru cancer logot lamba time ladai kori thakise. Itu time-te Priyanka Mary Kom film shoot kori thakise. Itu biopic drama-te tai Olympic medalist aru world champion boxer Mary Kom laga role kori ase. Film tou Manipur laga Indian boxing champion laga jibon aru journey dikhai.
Dang, Nepal-te jonom hoise Sunil Thapa laga. Tai 300 laga besi Nepali film-te kaam korise. Tai bisi famous asil Chino film-te “Rate Kaila” laga iconic role karone. Recently tai The Family Man Season 3-te David Khuzou boni dikhai dise, kun Nagaland-te ekta respected leader aru MCA chief thakise. Tai Teja Sajja lead role thaka fantasy superhero action-adventure film Mirai-te bhi ekta important supporting role kori thakise.
Add Comment