Din 16: Border 2 Box Office Collectiont te Film toh Rs 300 Crore laga mark punchishe

February 8, 2026: Yete Second aru Third weeks khan te. Box Office toh aste hoi jaishe koishe. Hoilebi Saturday din te. War laga Drama Border toh yete Rs 300 Crore laga mark paar kurishe Domestic Box Office te. Etu film te Sunny Deol, Varun Dhawan, Diljit Dosanjh aru Ahan Shetty khan ase. Aru yete taikhan India laga Hindi film te top 20 te ahishe koishe.

Republic Day laga Weekend te Border 2 toh bishi masbut para khulishe koishe. Yete taikhan India laga first 2 weeks nishina te Rs 295 Crore nishina ulaishe. Yete January 26 ekila parabi Rs 59 Crore nishina paishe koishe. 

Hoilebi 3^rd week te bia para namija toh dikhi pai ase. Aru Saturday din te Border 2 toh Rs 3.75 Crore nishina paishe koishe. Yete 16 din majote, Domestic Haul te Rs 301 Crore nishina paishe koishe. Aru etea bishi diri nahoi kina Border 2 toh Shahd Kappor laga O Romeo khan logote compete kuribole nishina ase koishe. Etu toh ahibole laga week te, Theatre te khulai dibole ase koishe. Etu film toh India laga pura jaga laga screen te dikhbole ase. 

Aru etu film toh India laga Kitty te Rs 15-20 Crore nishina anibole nishina ase koishe.Yete para lifetime te Rs 325 Crore nishina pabole ase koishe. Aru report hisab laga budget te Rs 275 Crore ase koishe. Aru etu number toh bishi ase koishe.

Second week te Border 2 toh India laga Hindi Films te thik parauthea ase koishe. Yete taikhan Krrish 3, Brahmastra, Singham Again aru Kabir Singh khan laga film khan ke sob paar kuri dea ase koishe. Aru taikhan toh Rs 300 Crore laga club te gushishe koishe. Aru taikhan para All-Time Blockbusters Doom 3 (Rs 290 Crore) aru Sultan (Rs 300 Crore) khan ke paar kuri dishe koishe. Aru etea Film toh Padmaavat (Rs 303 Crore) kebi paar kuribole nishina ase koishe. Etu pichete War (Rs 318 Crore) aru Bajrangi Bhaijaan (Rs 320 Crore) khan kebi aim kurea ase koishe.