New Delhi, 9 February : Aditya Dhar-laga film Dhurandhar last year December te release hoa pichete, film laga cast, Ranveer Singh, Sara Arjun aru Akshaye Khanna, sob laga popularity agey te pora besi barhi jaa ase kuina lage. Aru itu kotha-laga proof ase, kelemane director aru actors sob IMDb laga popular Indian celebrities list te pohonchi paise, aru chari jana top 10 te ase.
Itu week laga IMDb popular Indian celebrities list te Sara aru Ranveer top te thaka ase, kutey Sara #1 aru Ranveer #2 position loi ase. Sara #1 rank te ase, kelemane Dhurandhar etiya January 30 pora Netflix te stream hobole paise, theatrical release December 5 te hoa pichete, aru Ranveer #2 te ase. January laga shuru te Sara Prabhas aru Vijay nisina dangor star harai list laga top te pohonchi paise.
Director Aditya Dhar #6-te aru Akshaye Khanna #7 te list te thaka ase. R Madhavan, jun Dhurandhar te acting korise, #17 te ase, Arjun Rampal #21 te, Sanjay Dutt #35te aru Rakesh Bedi #64 te top 100 te thaka ase (250 celebrities pora). Itu mane Dhurandhar laga total 8 jana itu week list te ahibo paise.
Border 2 release hoa pichete, Sunny Deol #3 position-te ase. Zoya Afroz #4 te ase Taskaree: The Smuggler’s Web release hoa pichete, Samara Tijori #5 te ase Daldal laga pichete, aru Mallika Prasad #9 te ase Mardaani 3 release hoa pichete. Shah Rukh Khan #8 te aru Aishwarya Rai #10 te top 10 te thaka ase.
Juntu jane nai, IMDb-laga popular Indian celebrities list sirf IMDb appte available ase, Android aru iOS duita te. Itu list site visits laga base te week top-trending Indian actors aru filmmakers highlight kore.
Aditya Dhar itu film likhise, co-produce aru direct korise, Jyoti Deshpande aru Lokesh Dhar-laga logot, Jio Studios aru B62 Studios laga under te. Dhurandhar ekta spy-action film ase, jun real-life events pora inspire hoa. Story Pakistan laga Lyari area te ekta high-stakes covert terror operation laga upor te ghumai ase, kute ekta Indian spy, Hamza Ali Mazari, kun laga alias Jaskirat Singh Rangi, ekta Baloch gang-te infiltrate kore.
Film te 1999 IC-814 hijacking, 2001 Indian Parliament attack, aru 2008 Mumbai attacks laga conflict dekha jaai. Gulf countries aru Pakistan te ban hoa thakina, aru India te A rating loi sirf Hindi language-te release hoa, Dhurandhar worldwide ₹1300 crore pora besi collection koribo paise. First film laga ending te sequel laga setup dikhaise Dhurandhar: The Revenge, jun March 19 te theatre te release hobo.
Add Comment