New Delhi, 12 February : Actor Rajpal Yadav, juntu etiya ekta 10 saal purana cheque-bounce case te six-month jail term bhugti ase, aji Delhi High Court pora turant relief diya nai. Court pora koise ki actor tu age bhi assurance diya thakise, kintu bar bar nijor financial commitment pura koribo fail korise.
Justice Swarana Kanta Sharma laga single-judge bench note korise ki Rajpal complainant company logot nijor dhar manise aru repayment koribo assurance dise, kintu itu pura kora nai. Rajpal laga lawyer pora family te biya thaka karone temporary relief dibo karone sentence suspend koribo request korise.
Itu case 2010 pora suru hua, jitia Yadav Delhi-based Murali Projects Pvt Ltd pora ₹5 crore dhar loise, nijor directorial debut Ata Pata Laapata (2012) banabo karone. Film tu commercial bhabe fail hua karone dangor loss hoise aru tar pise financial dispute suru hoise.
2018 te, magisterial court pora Negotiable Instruments Act niche cheque dishonour case te Yadav ke doshi sabit korise aru six-month imprisonment diya hoise — juntu decision 2019 te sessions court pora bhi uphold kora hoise. Total due amount baad te barhi kene lagbhag ₹9 crore hoise.
Surrender korina, Bollywood laga kunba celebrity khan pora veteran comedian ke support dise. Sonu Sood, Mika Singh aru KRK pora financial help offer korise, aru Salman Khan, Ajay Devgn, Varun Dhawan aru David Dhawan nisina industry laga kunba figure khan pora privately contact korise kuina report ase.
Add Comment